Hver er Lady Gaga?

Miklar umræður hafa spunnist upp um hina geysivinsælu Lady Gaga sem á stuttum tíma skaust upp á stjörnuhimininn. Á meðan sumir hafa fulla trú á söng og textasmíðum hennar og segja að fötin skapi henni sérstöðu og vinsælda á gífurlega stórum markaði þá eru efasemdarmenn sem telja að allt þetta eigi sér dýpri merkingu. Mun dýpri merkingu.

Iluminati er leynifélag sem einhverjir hafa heyrt um í t.d Englum og djöflum Dans Brown og líklega haldið að væri aðeins hugarburður höfundar en svo er ekki. Það var stofnað 1776 og síðan er félagið talið hafa haft gífurleg áhrif í gegnum árin á t.d. Bandaríska dollarann og merkingu hans, sem og að Ben Franklin og Thomas Jefferson hafi verið félagar í þessu dularfulla félagi. Iluminati á sér nokkur aðaltákn sem sjást of vel í daglegu lífi til að taka eftir þeim þar sem þau hafa verið þar alltaf og maður hefur tekið þeim án þess að vita bakgrunn þeirra. All seeing eye er eitt þeirra, þríhyrningur með auga innan í ofan á píramída, það að hylja vinstra auga sitt getur mörgum fundist svalt en er í raun skírskotun til þess.
Þar kemur vinkona okkar Gaga inn. Margar myndir sýna hana hylja vinstra auga sitt og búa til þríhyrninga. Þá eru myndbönd hennar eins og bein skírskotun í tákn Iluminati sem hefur leitt til þess að henni hefur verið gefið nafnið “Iluminati puppet”

Af hverju skaust Gaga allt í einu upp á stjörnuhimininn. Með heilaþvætti, það er eina leiðin. CIA átti að hafa fundið upp leið til að heilaþvo einstaklinga um miðja 20 öldina en seinna hætt notkun þess. Talið er að þessi aðferð hafi verið notuð á Gaga en gaga þýðir eiginlega bara tóm eða innantóm. Lógó hennar er hauslaus líkami með eldingu í gegn sem bendir til að rafmagnsaðferð hafi verið notuð til að breyta og móta persónuleika hennar í framhaldi til að verða eins og hún er í dag. Myndbönd hennar sýna líka þessa breytingar sem hún á að hafa farið í gegnum, að atburður hafi gerst og að núna sé hún meira vélstýrð en áður. Að hún hafi byrjað upp á nýtt og verið hjúkrað áfram og mótuð.
Pínu eins og Frankenstein. Myndatökur hennar þykja líkja ógurlega til ýmissa myrkra tákna og vélmenna sem styðja undir getgáturnar.

Hvort sem hún er að nýta sér þessa umfjöllun eða er í raun bara brúða eins myrkasta leynifélags heims þá verður að viðurkennast að myndbönd hennar er gífurlega skrítin og út úr norminu.
Gaman er samt að geta þess að aðrar “taldar” brúður Iluminati eru eftirfarandi:
Jay-z og Beyonce, Michael Jackson, Rihanna og fólk í bresku konungsfjölskyldunni.

Önnur samsæriskenning er um kynfæri hennar. Hvort að hún sé með kven og karlkynfæri eða ekki. Hún hefur sjálf sagst vera með bæði en telji sig vera konu og því sé þetta ekki mikið mál. Þar sem hún er þekkt fyrir að hneyksla og gera flest til að auka umfjöllun á sjálfri sér “all publicity is good publicity” er alls ekki víst að svo sé um að ræða.
Hún og Marilyn Manson voru að sýna atriði saman á American Music awards þar sem þau sameinuðu atriði sitt skemmtilega. Eftir það spunnust upp sögur að í raun og veru væru þau sama manneskjan. En þetta verður allt að koma í ljós. Og gerir það vonandi, gaman verður hinsvegar að fylfjast með Lady Gaga næstu árin og frægð hennar.

-Arnar Logi Valdimarsson